ஈமு மோசடிகள்-மாநில அரசு என்ன செய்கிறது?

ஈமு மோசடிகள்-மாநில அரசு என்ன செய்கிறது?

இன்று செய்திதாள்கள், தொலைக்காட்சிகள்  எங்கு பார்த்தாலும் ஈமு விளம்பரங்கள் தான்.ஓவ்வொர் கம்பெனியும் போட்டி போட்டுக் கொண்டு அப்பாவி மக்களை ஏமாத்தி கொண்டு உள்ளனர்.முதலில் ஈமுவில் ஆரம்பித்தவர்கள் இன்று நாட்டுக்கோழி பால்பண்ணை என்று கவர்ச்சிகரமான விளம்பரங்களை காண்பித்து மக்களை ஏமாற்றுகின்றனர்.

வங்கிகள்,மியுச்சல் பண்டு நிறுவனங்கள் ,பெரிய கம்பெனிகள் இவைகள் கூட அதிகபட்சம் 12 சதவிதம் தான் வட்டி அளிக்கின்றனர்.அப்படி இருக்கையில் முகவரி இல்லாத நிறுவனங்களால் எவ்வாறு 30 சதவிதம் மேல் வருமானம் தர இயலும்.இந்நிறுவனங்கள் அனைத்தும் அரசாங்கத்தால் அனுமதி பெறாமல் தான் நடைபெற்று வருகின்றன.ஆனால் விளம்பரங்கள் பக்கம் பக்கமாக கொடுத்தும் அரசாங்கம் நடவடிக்கை எடுக்காதது ஏன்?சீட்டு கம்பெனிகள் நடத்தி மோசடி செய்து சென்ற பிறகு விசாரனை கமிஷன் அமைத்து 10 வருடத்திற்கு மேல் வழக்கு நடத்தி அரசாங்க பணம் வீண் ஆவது போல் இதற்கும் செய்ய போகிறதா அரசு.

தமிழகஅரசாங்கம் கால்நாடைகள் வளர்ப்புக்கேன்று தனியாக ஆராய்ச்சி நிலையம், கல்லுரிகள் எல்லாம் நடத்துகிறதே அதன் வழியாக மக்களுக்கு விழிப்புனர்வு ஏற்படுத்தாலமே.இன்று வரை அரசாங்கத்தில் இருந்து எவ்வித எச்சரிக்கையும் இல்லை.ஓரு சில கம்பெனிகள் ஒட ஆரம்பித்து விட்டன.

ஈமுவின் தாயகம் ஆன ஆஸ்திரேலியாவில் கூட இதன் வளர்ப்பு சரியான விற்பனை வாய்ப்பு இல்லாததால் குறைந்து கொண்டு வருகிறது.அப்புறம் எவ்வாறு இவர்களால் வெற்றி அடைய முடியும்.ஈமு வளர்க்கும் ஒருவராவது ஈமு கறி சாப்பிட்டு இருப்பார்களா?.ஏதேனும் அசாம்பாவிதத்தால் ஈமு இறந்தால் எங்கே போய் இவர்கள் விற்பார்கள்.ஆடு ,மாடு, கோழி இவைகள் எதிர்பாரவிதமாக இறந்தால் உள்ளுரிலேயே மிக எளிதாக விற்க இயலும்.ஈமுவை விற்க இயலுமா?பேராசை பெருநஷ்டம் என்பது மக்களுக்கு ஏன் புரியவில்லை.

ஈமு வளர்ப்பு விளம்பரங்களுக்கு நடிப்பவர்களும் அவர்களது கிளைகளை திறந்து வைப்பவர்களும் பிரபல நடிகர் நடிகைகளே.அவர்களுக்கு எத்தனை லட்சங்கள் செலவழிப்பார்கள்.இவற்றில் உண்மையாகவே லாபம் இருந்தால் நடிகர்களுக்கு கொடுக்கும் சம்பளம் விளம்பரத்துக்கு ஆகும் செலவு எல்லாவற்றையும் சேர்த்து அவர்கயே பெரிய பண்ணையை ஆரம்பிக்காலமே.ஏன் அவ்வாறு செய்வது இல்லை பண்ணை நடத்துவதில் லாபம் இல்லை என்ற உண்மையால் தான்.

ஏமாறுபவர்கள் இருக்கும் வரை ஏமாற்றுபவர்கள் இருக்கத்தான் செய்வார்கள்.ஆனால் அனைத்து வசதியும் உள்ள அரசு மக்களை ஏமாற விடாமல் விழிப்புணர்வு ஏற்படுத்தாலமே? செய்யுமா அரசு.